ඉලෙක්ට්‍රොනික ගනුදෙනු (සංශෝධන ) පනත් කෙටුම්පත දෙවැනිවර කියවීමේ විවාදයට එක්වෙමින් අමාත්‍යවරයා මේ බව අද (17) පාර්ලිමේන්තුවේ දී පැවසීය.
අපි ආඩම්බර වෙන්න ඕන. ලංකාව විශාල වශයෙන් නීති ගෙන ඒම තුළ ප්‍රසාදයක් ලැබිලා තිබෙනවා. ඊ-රාජ්‍ය සංකල්පයෙන් ලෝකයේ රටවල් 174කින් ලංකාව 74 වැනි ස්ථානයේ සිටිනවා. අන්තර්ජාල සේවා සැපයීම අතින්ලෝකයේ රටවල්වලින් අප සිටින්නේ 37වැනි ස්ථානයෙයි.
මිනිස්සුන්ට හැමදේටම බැංකුවට යන්න අවශ්‍ය නෑ.දැන් ඔන්ලයින් මාර්කට් කරන්නේ. ඒ ක්‍රමවේදය ලෝකය යන්නේ. ලංකාවේ ජනතාවට වඩා ජංගම දුරකතන තිබෙනවා. ෆේස් බුක් භාවිතා කරනවා මිලියන 6.2ක් ඉන්නවා. ඉලෙක්ට්‍රොනික ගණුදෙනු හරහා හතරවැනි කාර්මික විප්ලවය තිබෙන්නේ මේ හරහායි.
ජනවාරි , පෙබරාවරි වනවිට උසස්පෙළ ළම්යින්ට ටැබ් එකක් ලැබෙනවා. සෑම පාසල් ළමයින්ට පාසලේ දී පරිගණක හමුවෙනවා. ඉදිරියට යා යුතුයි. සියලු දේ පහසු කිරීමටයි. ඩිජිටල් අර්ථිකයකට අප යන්නේ. ආනයන, අපනයන වෙළඳාමට ඉලෙක්ට්‍රොනික ගනුදෙනු සහතික කිරීම වැදගත් වෙනවා. පිටරට කොන්ත්‍රාත්තුවක් ඉලෙක්ට්‍රොනිකව අත්සන් කිරීමේ හැකියාව මෙම පනතින් ලබෙනවා. ඉලෙක්ට්‍රොනික සිග්නේචර් ස්ථාපිත කිරීම සිදු වෙනවා. ග්‍රාමසේවක 7000කට අපි ටැබ් දෙනවා. පවුල් සෞඛ්‍ය සේවිකාවන්ටත් ටැබ් දෙන්න බලාපොරොත්තු වෙනවා.
2025 දී දැනුම කේන්ද්‍රස්ථානය වන ආර්ථිකයට ලංකාව ගමන් කිරීමේ දී ඩිජිටල් ආර්ථිකයට යැමේ වපසරිය සකස්කරගත යුතුව තිබෙනවා. මෙය ඉදිරි කාලයේ ලංකාව ශක්තිමත් ආර්ථිකයක් ගොඩනගන්න ශක්තිමත් පනතක් බවට පත් වෙනවා යැයි ද අමාත්‍යවරය පැවසී ය.
