ආණ්ඩුක්‍රම ව්‍යවස්ථාවේ විසිවන ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්මත කිරීමට තුනෙන් දෙකක බහුතර ඡන්දයක් සහ ජනමත විචාරණයක් අවශ්‍ය බව ශ්‍රේෂ්ඨාධිකරණය තීරණය කර ඇතැයි කතානායක කරූ ජයසූරිය මහතා අද (19) පාර්ලිමේන්තුවේ දී ප්‍රකාශ කළේ ය.
කතානායකවරයාගේ නිවේදනය ඉදිරිපත් කරමින් අද (19) පාර්ලිමේන්තුවේ දී මේ බව දැන්වීය.
ශ්‍රේෂ්ඨාධිකරණයේ නියෝගය ලැබී තිබෙනවා, ආණ්ඩුක්‍රම ව්‍යවස්ථාවේ විසිවැනි සංශෝධනය සම්බන්ධයෙන්. 121 ව්‍යවස්ථාව යටතේ ශ්‍රේෂ්ඨාධිකරණය ඉදිරියේ අභියෝගයට ලක්කර තිබෙනවා. එම පනත් කෙටුම්පතේ කොටස් දෙකක් 12(1) සහ 14(1) වගන්තිය අනනුකූල වන බවත් ප්‍රකාශ වෙනවා. මේ සඳහා තුනෙන් දෙකක බහුතර ඡන්දය ලබගැනීම සහ ජනමත විචාරණයකින් සම්මත කරගැනීම අවශ්‍ය වෙනවා යැයි ද කතානයකවරයා නිවේදනය සභාව වෙත ඉදිරිපත් කරමින් පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
