වර්ෂ 2020 වනවිට සූර්ය විදුලිබල සබඳතා මඟින් මෙගාවෝට් 440ක් ජාතික පද්ධතියට එකතු කිරීම ඉලක්කය බව විදුලිබල හා පුනර්ජනනීය බලශක්ති නියෝජ්‍ය අමාත්‍ය අජිත් පී.පෙරේරා මහතා අද (22) පාර්ලිමේන්තුවේ දී පැවසී ය.
නියෝජ්‍ය අමාත්‍යවරයා මේ බව ප්‍රකාශ කළේ, පාර්ලිමේන්තු මන්ත්‍රී අජිත් මාන්නප්පෙරුම මහතා යොමු කළ වාචික ප්‍රශ්නයකට පිළිතුරු ලබාදෙමිනි.
පසුගිය සැප්තැම්බර් මාසයේ ආරම්භ කළ සූර්ය බල සංග්‍රාමය යටතේ මේ දක්ව 3909ක් විදුලි සබඳතා සපයා ඇති බවත් තවත් පාරිභෝගිකයන් 2000ක් පමණ ඉල්ලුම්කර ඇති බවත් නියෝජ්‍ය අමාත්‍යවරයා පැවසී ය.
එමෙන් ම විදුලිය අපතේ යෑම වළක්වා ගැනීම සඳහා පාරිභෝගිකයන් අතර එල්.ඊ.ඩී. බල්බ මිලියන 10ක් නොමිලේ ලබාදීමට ක්‍රියාකරන බවද නියෝජ්‍ය අමාත්‍යවරයා පිළිතුරු දෙමින් පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
