රත්මලානේ දී කොකේන් තොගයක් අත් අඩංගුවට ගැනීමේ සිද්ධියට අදාළව රජයේ පාර්ශවයක් සෘජුව හෝ වක්‍රව සම්බන්ධ බවට අනාවරණය වී නොමැති බව නීතිය සාමය හා දක්ෂිණ සංවර්ධන අමාත්‍ය සාගල රත්නායක මහතා අද (25) පාර්ලිමේන්තුවේ දී පැවසී ය.
අමාත්‍යවරයා අද පාර්ලිමේන්තුවේ දී ප්‍රකාශ කළේ,ස්ථාවර නියෝග 23(2) යටතේ විපක්ෂයේ ප්‍රධාන සංවිධායක,පාර්ලිමේන්තු මන්ත්‍රී අනුර කුමාර දිසානායක මහතා විසින් යොමු කළ ප්‍රශ්නයකට පිළිතුරු ලබාදෙමිනි.
සිදුවීම පිළිබඳ අවශ්‍ය විමර්ශන සිදු කරයි. වැඩිදුර ප්‍රකාශ සටහන් කරගනිමින් සිටියි. මෙම බහාලුම අයත් ආයතනය හා සතොස ආයතනයේ නිලධාරීන්ගෙන් ප්‍රකාශ සටහන් කරගෙන ඇත. විමර්ශන මූලික අවස්ථාවල පවතින්නේ. රජය පාර්ශව මේ සිදුවීමට සම්බන්ධ බවට සෘජු හෝ වක්‍රව සම්බන්ධ බවට අනාවරණය වී නැත. නවීක හමුදාව රේගුව,පොලීසිය කටයුතු කරනවා. වැටලීම් විශාල ප්‍රමණයක් කර තිබෙනවා. ශ්‍රි ලංකාව මත්ද්‍රව්‍ය වැටලීම් සම්බන්ධයෙන් ගෙන ඇති පියවර පැසසුමට ලක් වී තිබෙනවා. සීනි බහාලුම්වල මත්ද්‍රව්‍ය ගේන එක ප්‍රශ්නයක්.පරීක්ෂා කරන්න දීර්ග කාලයක් යනවා.අපි අලුත් උපකරණ ලබාගැනීමටද උපදෙස් අරගෙන තිබෙනවා. සංවිධානාත්මක අපරාධ කොට්ඨාශය ප්‍රතිව්‍යුහගත කර තත්ත්වය ඉහළ මට්ටමකට ගෙන ඒමට කටයුතු කරනවා. වැරදි කරන අයවලුන්ට කිසිම සමාවක් නෑ යැයි ද අමාත්‍යවරයා පැවසී ය.
