නියඟය හේතුවෙන් පීඩාවට පත් ජනතාවට අවශ්‍ය පානීය ජලය ලබාදීම සඳහා අවශ්‍ය ජල බවුසර් හා ප්‍රතිපාදන ලබාදෙමින් අවශ්‍ය පියවර ගෙන ඇතැයි ආපදා කළමනාකරණ අමාත්‍ය අනුර ප්‍රියදර්ශන යාපා මහතා අද (25) පාර්ලිමේන්තුවේ දී පැවසී ය.
නියඟය හේතුවෙන් ජනතාවට ඇති වී තිබෙන පීඩාව පිළිබඳව ස්ථාවර නියෝග 23(2) යටතේ අද (25) පාර්ලිමේන්තුවේ දී පාර්ලිමේන්තු මන්ත්‍රී ඩග්ලස් දේවානන්ද මහතා යොමු කළ ප්‍රශ්නයකට පිළිතුරු දෙමින් අමාත්‍යවරයා මේ බව පැවසී ය.
නියඟය හේතුවෙන් පීඩාවට පත් ජනතාව වෙනුවෙන් උතුරු පළාතේ ජනතාවට සහන ලබාදීම සඳහා ප්‍රතිපාදන වෙන් කර තිබේ.පානීය ජලය බෙදා හැරීම සඳහා ට්‍රැක්ටර් බවුසල් 45ක් සහ ලොරි බවුසර් ලබාදී තිබෙනවා. සෑම බවුසරයකටම අතිරෙක රියදුරන් ගෙන ජලය බෙදා හැරීමට කටයුතු කර තිබෙනවා. අවශ්‍ය ජල ටැංකි 650ක් ලබාදී තිබෙනවා. යාපනය සහ අදාළ දූපත්වල සංචාරය කළා. තත්ත්වය නරකයි. ජලය ලබාදීමට අවශ්‍ය ජලය ලබාදීමට නාවික හමුදාව කටයුතු කර තිබෙනවා. තාක්ෂණික සොයා බැලීම් කළා, ඉදිරි සතියේ දී අමාත්‍ය මණ්ඩලය දනුවත් කරන්නට බලාපොරොත්තු වෙනවා.දැනට සති දෙකකට කලින් අනුරාධපුරය දිස්ත්‍රික්කයට ගියා. යම් යම් අඩුපාඩුකම් සඳහා කටයුතු කර තිබෙනවා. අනුරාධපුරය,පොළොන්නරුව,වවුනියාව, කිළිනොච්චිය ප්‍රදේශවලට අවධානය යොමු කර තිබෙනවා. අවශ්‍ය ජල බවුසර් යෙදවීමට කටයුතු කර තිබෙනවා යැයි ද අමාත්‍යවරයා පැවසී ය.
