නියෝජ්‍ය අමාත්‍යවරයා මේ බව ප්‍රකාශ කළේ, අද (22) පාර්ලිමේන්තුවේ දී මන්ත්‍රි තුෂාර ඉඳුනිල් මහතා යොමු කළ වාචික ප්‍රශ්නයකට පිළිතුරු ලබාදෙමිනි.
ගල් අඟුරු බලාගාරයෙන් සිදුවන අහිතකර වායු විමෝචනය වැළැක්වීමට විද්‍යාත්මකව ගත හැකි පියවර කීපයක්ම ගෙන ඇතැයි ද නියෝජ්‍ය අමාත්‍යවරයා පැවසී ය.
බලාගාරයේ අංගනය වටා සුළං ආවරනයක් යෙදීමට කටයුතු කරන බව කී නියෝජ්‍ය අමාත්‍යවරයා,පිටවන අළු කළමනාකරණයට පියවර කීපයක් ගෙන ඇතැයි ද නියෝජ්‍ය අමාත්‍යවරයා පැවසී ය.
ගල් අඟුරු බලාගරවල අනාගතය පිළිබඳ ලොව විවාද තිබෙනවා. විදුලිය මිල දී ගැනීමේ මූලාශ්‍ර ලබා ගැනීම දේශපාලන කාරණයක් නොවන බවත් විසි අවුරුදු ජනන සැලැස්මක් තිබෙන බවත් ඒ ජනන සැලැස්මට මහජන අඳහස් ලබාගනිමින් සිටින බව ද නියෝජ්‍ය අමාත්‍යවරයා සඳහන් කළේ ය.
