ඖෂධ හිඟයක් නොමැති බවත් ඩෙංගු රෝගීන්ට ලබාදෙන ඩෙක්ස්ට්‍රෑන් ඖෂධ සම්බන්ධයෙන් පවතින ප්‍රචාරවල කිසිදු සත්‍යතාවක් නොමැති බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.
අමාත්‍යවරයා අද (06) පාර්ලිමේන්තුවේ දී මේ බව ප්‍රකාශ කළේ, පාර්ලිමේන්තු මන්ත්‍රී ඩග්ලස් දේවානන්ද මහතා යොමු කළ වාචික ප්‍රශ්නයකට පිළිතුරු ලබාදෙමිනි.
මෙම ඖෂධවල තවත් තොගයක් හෙට දින තායිලන්තයේ සිට ගෙන එන බව කී අමාත්‍යවරයා, ඩෙක්ස්ට්‍රෑන් ඖෂධය වෙළඳපොළින් ලබාගත නොහැකි බවද තායිලන්තයේ සිට මාසිකව ඖෂධ තොග වශයෙන් ගෙන එන බවද පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
