හිටපු ජනාධිපතිවරයාගේ ආරක්ෂාව සම්බන්ධයෙන් විමසූ පැනයකට පිළිතුරු ලබාදෙමින් අමාත්‍යවරයා අද (05) පාර්ලිමේන්තුවේ දී මේ බව පැවසි ය.

මේ වනවිටත් මේ වනවිටත් හිටපු ජනාධිපතිවරයාගේ ආරක්ෂාවට පොලිස් විශේෂ කාර්ය බලකායේ නිලධාරීන් 26ක් ඇතුළු ආරක්ෂක නිලධාරීන් 187ක් යොදවා තිබෙන බවත් අමාත්‍යවරයා පැවසී ය.

සෑමවිටම ප්‍රභූවරුන්ගේ ආරක්ෂාව සම්බන්ධයෙන් තක්සේරුවක් සිදු කරන බවත් ඒ අනුව ආරක්ෂාව සඳහා නිලධාරීන්ගේ සංඛ්‍යාව තීරණය කරන බවත් අමාත්‍යවරයා පැවසීය.

ප්‍රභූවරුන්ගේ ආරක්ෂාව සැපයීමේ දී කාර්ය පිළිබඳව සිදු කරන තක්සේරු වාර්තාවක් අනුවයි එය කරන්නේ. ආරක්ෂක තත්ත්ව වාර්තාව අනුව පොලිස් නිලධාරීන් 42ක් නැවත ගෙන්වා තිබෙනවා. විශේෂ අවස්ථාවක ආරක්ෂාව සඳහා ඉල්ලීමක් කළ හොත් ඇමැති ආරක්ෂක කොට්ඨාශයෙන් අවශ්‍ය ආරක්ෂාව ලබාදිය හැකි බවද අමාත්‍යවරයා සඳහන් කළේ ය.

මහින්ද රාජපක්ෂ මහතා 2015 දී විශ්‍රාම යන අවස්ථවේ යුද හමුදා නිලධාරීන් 102ක් සහ පොලිස් නිලධාරීන් 103ක් ආරක්ෂාවට සිටියා. පොලීසිය විසින් ප්‍රභූ ආරක්ෂව සිදු කළ යුතු බවට රජය ගත් ප්‍රතිපත්තිමය තීරණය අනුව හමුදාවේ නිලධාරීන් 102 වෙනුවට පොලිස් නිලධාරීන් ලබදීමට කටයුතු කළා.ඊට අමතරව පොලිස් විශේෂ කාර්ය බලකායේ නිලධාරීන් 26ක් ද ලබාදුන්නා යැයි ද අමාත්‍යවරයා පැවසී ය.