පසුගිය 21 වැනි දින පැවති රාජ්‍ය සංගීත සම්මාන උළෙලේ විශේෂ ආරාධිත අමුත්තෙකු ලෙස වී.බලාජි මහතා සහභාගී වූ අතර එහිදී ජනාධිපතිතුමා හමු වූ අවස්ථාවේදී ජනාධිපතිතුමා ඉදිරියේ වයලින් වාදනයක් ඉදිරිපත් කිරීමට අවස්ථාවක් ඉල්ලා සිටියේය.
ඒ අනුව ජනාධිපති නිල නිවස වෙත පැමිණෙන ලෙස කෙරුණු ආරාධනය පරිදි අද පෙරවරුවේ සිය බිරිඳ සහ පුතණුවන් සමඟ ජනාධිපති නිල නිවස වෙත පැමිණි බලාජි මහතා ජනාධිපතිතුමා හමු වී සුහද කතා බහක නිරතවීමෙන් අනතුරුව එතුමා ඉදිරියේ වයලින් වාදනයක නිරත විය.
පුත් අනන්ත රාමන් මහතා ද ජනාධිපතිතුමා ඉදිරියේ වයලින් වාදනයක් ඉදිරිපත් කළේය.
සංස්කෘතික කටයුතු දෙපාර්තමේන්තුවේ අධ්‍යක්ෂ ජනරාල් අනුෂා ගෝකුල මහත්මිය ඇතුළු පිරිසක් ද මෙම අවස්ථාවට එක්ව සිටියහ.
