ජාතික නිවාස දිනය හෙටට (23) යෙදී ඇති අතර නිවාස හා ඉදිකිරීම් අමාත්‍ය සජිත් පේ‍්‍රමදාස මහතා විසින් ජනාධිපතිතුමා සහ අග‍්‍රාමාත්‍යතුමා වෙත කොඩි පැළඳවීය.
දිවංගත හිටපු ජනාධිපති, ජාතික නිවාස සංවර්ධන අධිකාරියේ නිර්මාතෘ රණසිංහ පේ‍්‍රමදාස මැතිතුමාගේ ජන්ම දිනය යෙදී ඇති ජූනි 23 වනදා දිනය ජාතික නිවාස දිනය ලෙස ප‍්‍රකාශයට පත් කර තිබේ.
ඊයේ සිට සතියක් පුරා කි‍්‍රයාත්මක වන ජාතික නිවාස සතියේදී නව නිවාස ව්‍යාපෘති ආරම්භ කිරීම ඇතුළු වැඩසටහන් රැසක් කි‍්‍රයාත්මක කර තිබේ.
මෙහිදී අදහස් දැක්වූ අමාත්‍ය සජිත් පේ‍්‍රමදාස මහතා ප‍්‍රකාශ කළේ මෙම කොඩි අලෙවියෙන් ලැබෙන ආදායම නිවාස නොමැති දුප්පත් ජනතාවට නිවාස ඉදිකරදීමේ වැඩසටහන් සඳහා යොදවන බවයි.
එමෙන්ම වකුගඩු රෝගයට ගොදුරු වූ නිවාස නොමැති පවුල් සඳහා නිවාස ඉදිකරදීම මෙවර ජාතික නිවාස දින වැඩසටහන යටතේ විශේෂ ව්‍යාපෘතියක් ලෙස කි‍්‍රයාත්මක කරන බව ද අමාත්‍යවරයා වැඩිදුරටත් පැවසීය.
