දියර කිරි සහ කිරි නිෂ්පාදන පාරිභෝජනය පාසල් සිසුන් අතර ප්රචලිත කිරීමේ අරමුණින් දීප ව්‍යාප්තව පවත්වන ලද ගද්‍ය, පද්‍ය, ලාංඡන සහ රූපවාහිනි අත් පිටපත් හා චිත‍්‍ර තරගාවලියේ ජයග‍්‍රාහක, ජයග‍්‍රාහිකාවන්ට ත්‍යාග ප්රදානය ජනාධිපති මෛතී‍්‍රපාල සිරිසේන මැතිතුමාගේ ප‍්‍රධානත්වයෙන් ඊයේ (15) කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේදී පැවැත්විණි.
ජයග‍්‍රාහක සිසු සිසුවියන් වෙත සංකේතාත්මකව තිළිණ ප්රදානය කිරීම මෙහිදී ජනාධිපතිතුමා අතින් සිදු විය.
දියර කිරි සහ කිරි නිෂ්පාදන පාරිභෝජනය පාසල් දරුවන් අතර ප්රචලිත කිරීමේ අරමුණින් ,කිරෙන් සපිරි දැයක්, තේමාව යටතේ ග‍්‍රාමීය ආර්ථිකය පිළිබඳ අමාත්‍යාංශයේ පශු සම්පත් සංවර්ධන අංශය සහ අධ්‍යාපන අමාත්‍යාංශය එක්ව මෙම වැඩසටහන සංවිධානය කර තිබුණි.
ග‍්‍රාමීය ආර්ථිකය පිළිබඳ අමාත්‍ය පී. හැරිසන්, අධ්‍යාපන අමාත්‍ය අකිල විරාජ් කාරියවසම් යන මහත්වරුන් ඇතුළු පිරිසක් ද මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
