ලොව උසම කඳු ශිඛරය වන එවරස්ට් කඳු මුදුණෙහි ශ්‍රී ලංකා ධජය එසැවූ ජයන්ති කුරුඋතුම්පාල වෙත අග්‍රාමාත්‍ය රනිල් වික්‍රමසිංහ මහතා සුබාශිංසන එක් කර තිබේ.
එවරස්ට් කඳු මුදුන තරණය කිරීම අසීරු හා අභියෝගාත්මක කාර්යයක් වන අතර එය කැපවීමේත්, ධෛර්යයේත් සංකලනයක් බව පෙන්වා දෙන අගමැතිවරයා දරාගැනීමේ හැකියාව සහ දුෂ්කරතාවන්ට නොබියව මුහුණ දීමේ ශක්තිය පිළිබිඹු කරන කැටපතක් බව ද සඳහන් කරයි.
මෙම අභියෝගාත්මක කාර්යයට ඇය සමඟ එක් වූ යොහාන් පිරීස් මහතාට ද අගමැතිවරයා සුබාශිංසන එක් කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
