ශ්‍රේෂ්ඨාධිකරණය ඉදිරියේ අභියෝගයට ලක් කරන ලද තොරතුරු දැනගැනීමේ අයිතිවාසිකම් පිළිබඳ පනත් කෙටුම්පත සම්බන්ධයෙන් ශ්‍රේෂ්ඨාධිකරණයේ තීරණය තමා වෙත ලැබී ඇතැයි කතානායක කරූ ජයසූරිය මහතා අද (03) පාර්ලිමේන්තුවට දැනුම් දුන්නේ ය.
පනත් කෙටුම්පතේ වගන්ති කීපයක් දැනට පවතින ආකාරයට සංශෝධනය කළ හැක්කේ,ආණ්ඩුක්‍රම ව්‍යවස්ථාවේ 84(2) ව්‍යවස්ථාව යටතේ,විශේෂ බහුතර ඡන්දයකින් බවත් ශ්‍රේෂ්ධාධිකරණය තීරණය කර ඇතැයි කතානායකවරයා දැන්වීය. ශ්‍රේෂ්ඨාධිකරණ තීරණයේ දැක්වෙන පරිදි එකී වගන්ති සංශෝධනය කළ හොත් ඒවායේ අනුණුකූලතාවයන් ඉවත්වනු ඇති බව සහ සරළ බහුතර ඡන්දයකින් සම්මත කළ හැකි බවද තීරණය කර ඇතැයි කතානායකවරයා සභාවට දන්වා සිටියේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
