තොරතුරු දැනගැනීමේ පනත් කෙටුම්පත සඳහා උතුරු පළාත් සභාවේ අනුමැතිය මෙතෙක් හිමිව නොමැති බැවින් එම සභවේ අනුමැතිය ලැබීමෙන් පසු පනත් කෙටුම්පත පාර්ලිමේන්තුවට ඉදිරිපත් කරන බව ආණ්ඩුපක්ෂයේ ප්‍රධාන සංවිධානයක,පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා අද (08) පාර්ලිමේන්තුව හමුවේ දැනුම් දෙනු ලැබීය.
තොරතුරු දැනගැනීමේ පනත පාර්ලිමේන්තුවට ඉදිරිපත් කිරීමට නියමිතව තිබුණත් උතුරු පළාත් සභාවේ අනුමැතිය තවමත් ලැබී නැති බවත් උතුරු පළාත් සභාව ලබන 10 වැනි දින රැස්වන බවත් එහි අනුමැතිය ලැබුණු පසු පාර්ලිමේන්තුවට ඉදිරිපත් කිරීමට කටයුතු කරන බව අමාත්‍ය ගයන්ත කරුණාතිලක මහතා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
