ජනපති නායකත්වයෙන් ස්ථාපිත ප්‍රජාතන්ත්‍රවාදී රාජ්‍ය පාලනයට වසරක් සපිරීම සමරනු වස් විශේෂ ජාතික සැමරුම් රැසක් අද
ක්‍රියාවට නැංවෙයි.ඒ අනුව අතිගරු ජනාධිපතිතුමා කළුතර ඓතිහාසික බෝධි රාජයාණන් වහන්සේ වැඳපුජා ගෙන ආශිර්වාද
ලබාගත්තේ ය.
කළුතර ඓතිහාසික බෝධි රජයාණන් වහන්සේ වැඩ වසන භූමිය බෝධි භාරකාර මණ්ඩලය වෙත පවරා දීම ද අතිගරු
ජනාධිපතිතුමාගේ සුරතින් කෙරුණු අතර ජනාධිපතිතුමා විසින් සුදු සඳුන් පැලයක් රෝපණය කිරීම ද මෙහිදී සිදු විය.
මහා සංඝරත්නය,කතානායක කරූ ජයසූරිය මහතා, ආණ්ඩුපක්ෂයේ ප්‍රධාන සංවිධායක, පාර්ලිමේන්තු ප්‍රතිසංස්කරණ හා
ජනමාධ්‍ය අමාත්‍ය ගයන්ත කරුණාතිලක මහතා ඇතුළු මැති ඇමැතිවරු රැසක් මේ අවස්ථාවට එක්ව සිටියහ.
ඡායාරූප- යමුනි රශ්මිකා පෙරේරා- රජයේ ප්‍රවෘත්ති දෙපාර්තමේන්තුව
