පොළොන්නරුව බෞද්ධ සංගමය මගින් සියලූ පහසුකම්වලින් සමන්විතව ඉදිකර ඇති මෙම නිවාඩු නිකේතනය තුළ එකවර 500 කට පමණ නවාතැන් පහසුකම් සැළසේ.මේ අතර ඊට යාබදව ඉදිකර ඇති රාජ්‍ය පරිපාලන අමාත්‍යාංශයේ පොළොන්නරුව සංචාරක නිවාසයද විවෘත කෙරුණේ ජනාධිපතිතුමා අතිනි.
දෙමහල් ගොඩනැගිල්ලක් ලෙස ඉදිකර ඇති මෙම සංචාරක නිවාසයද සියලූ පහසුකම්වලින් සමන්විතය.
පොළොන්නරුව දිස්ති‍්‍රක්කයේ අඩු ආදායම්ලාභී පවුල්වල දරුවන් වෙනුවෙන් කි‍්‍රයාත්මක, ලක් දරු ශිෂ්‍යත්ව, ප‍්‍රදානය කිරීමේ වැඩසටහනද මේ හා සමගාමීව පැවැත්වුණු අතර ශිෂ්‍යත්වලාභින් 125 දෙනෙකුට ශිෂ්‍යත්ව ලබාදීම සංකේතවත් කරමින් 10 දෙනෙකුට ශිෂ්‍යත්ව ප‍්‍රදානය කිරීමද ජනාධිපතිතුමා අතින් සිදු විය.
පොළොන්නරුව දිස්ති‍්‍රක්කයේ ග‍්‍රාමීය ස්වේච්ජා සංවිධාන සඳහා ජල ටැංකි ප‍්‍රදානය කිරීම හා දිස්ති‍්‍රක්කයේ පොල් අතු සෙවිළිකල නිවාස 100 ක් වෙනුවෙන් සෙවිළි තහඩු ප‍්‍රදානය කිරීමද මෙහිදී සිදුවූ අතර ජනාධිපතිතුමා සංකේතාත්මකව ඊට එක් විය.
