ශ්‍රේෂ්ඨාධිකරණයේ හිටපු විනිසුරු හා ජාත්‍යන්තර අධිකරණයේ උප සභාපතිවරයෙකු වූ සී.ජී. වීරමන්ත්‍රි මහතාගේ වෘත්තීය ජීවිතයට වසර 50ක් පිරීම වෙනුවෙන් සංවිධානය කළ උපහාර උත්සවයක් පසුගියදා පස්වරුවේ (24) කොළඹ බණ්ඩාරනායක සම්මන්ත්‍රණ ශාලාවේ පැවැත්විණි.
ශ්‍රී ලංකා නිතීඥ සංගමය සංවිධානය කොට තිබූ මෙම උපහාර උත්සවය අමතා ජනාධිපති මෛත්‍රීපාල සිරිසේන මැතිතුමා, අගවිනිසුරු කේ.ශ්‍රී පවන්, නීතිපති වයි.ජේ.ඩබ්ලිව්. විජයතිලක, නීතිඥ සංගමයේ සභාපති ජෙෆ්රි අලගරත්නම් යන මහත්වරු කතා කළහ.
ශ්‍රී ලංකාභිමාණී විනිසුරු සී.ජී. වීරමන්ත්‍රි මහතාගේ ගෞරවනීය සේවය අගයනු වස් ශ්‍රි ලංකා නීතිඥ සංගමය විසින් පිරිනැමූ සමරු තිළිණය ජනාධිපති මෛත්‍රීපාල සිරිසේන මැතිතුමා අතින් වීරමන්ත්‍රි විනිසුරුතුමා වෙත පිළිගැන්විණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
