අතිනවීන තාක්ෂණයෙන් සපිරි මෙම නවෝත්පාදන මධ්‍යස්ථානය කොළඹ Trace Expert City හි දී විවෘත කර ඇත.
දීර්ඝ කාලීන සමාජ ආර්ථීක පාරිසරික සංවර්ධනයක් වෙත මාතෘ භූමිය රැගෙන යාම සඳහා පර්යේෂණ අවස්ථා පුළුල් කිරීම මෙම නවෝත්පාදන මධ්‍යස්ථානය තුළින් අපේක්ෂා කෙරේ. මොබිටෙල් විශ්වවිද්‍යාලයද මෙහිදී ජනාධිපතිතුමා අතින් විවෘත කෙරිණි.
පොලොන්නරුව ඓතිහාසික සෝමාවති පුදබිමේ ජාතික තොරතුරු මධ්‍යස්ථානයක් පිහිටුවීමට අදාළ සංදේශය ද සෝමාවති රජමහා විහාරාධිපති පූජ්‍ය පහමුණේ ශ්‍රි සුමංගල නායක හිමිපාණන් වහන්සේ වෙත ජනාධිපතිතුමා විසින් පිළිගන්වන ලදී.
මොබිටෙල් ආයතනයේ වසර 25 ක සේවා කාලයක් සම්පූර්ණ කළ පිරිසට රන් පදක්කම් ප්‍රදානය කිරිමද ජනාධිපතිතුමා අතින් සිදු විය.
ජල පීඩන ඇන්ටනාවක් නිර්මාණය කළ පොලොන්නරුව රාජකීය විද්‍යාලයේ චමත් ප්‍රබෝද් සිසුවාට ත්‍යාගයක් ප්‍රදානය කිරිමද ජනාධිපතිතුමා අතින් සිදු විය.
අමාත්‍යවරුන්වන මංගල සමරවීර, රවුෆ් හකීම්, ගාමිණි ජයවික්‍රම පෙරේරා, මහින්ද අමරවීර, ශ්‍රි ලංකා ටෙලිකොම් ආයතනයේ සභාපති කුමාරසිරි සිරිසේන, මොබිටෙල් ආයතනයේ විධායක අධ්යක්ෂ රංජිත් රූපසිංහ යන මහත්වරුන් ඇතුථ පිරිසක් මෙම අවස්ථාවට එක්ව සිටියහ.
kpm
pix by- PMU
