සිගරට් පැකට්වල 80% දවටනයේ රූපමය අවවාද ඇතුළත් කිරීමට අදාළ නීති කෙටුම්පතට කැබිනට් අනුමැතිය ලැබුණු බවද, එම පනත ඉදිරි දින කිහිපය තුළ පාර්ලිමේන්තුවේදී සම්මත කීරීමට නියමිත බවද කැබිනට් ප‍්‍රකාශක අමාත්‍ය රාජිත සේනාරත්න මහතා පැවසීය.
මේ සඳහා පිහිටුවා ඇති අධිකාරිය විසින් නිර්දේශ කරනු ලබන සෞඛ්‍ය අවවාද ඇතුළත් රූපමය අවවාද මාස හයකට (06) වරක් වෙනස් කළ යුතු බවටත් විධි විධාන සලසා ඇති බව අමාත්‍යවරයා පැවසීය.
දැනට සිගරට් පැකට්වල 60% ක් පමණක් එවැනි රූපමය සෞඛ්‍ය අවවාද ඇතුළත් වෙයි. ඊයේ (29) පැවැති කැබිනට් තීරණ දැනුම් දිමේ මාධ්‍ය හමුවේදී අමත්‍යවරයා මේ බව පැවසීය.
PRIU
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
