අමාත්‍යවරයා මේ බව පැවසූවේ ඊයේ (21) රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාධ්‍ය හමුවකට එක්වෙමිනි.
මෙරට දේශපාලන ඉතිහාසයේ නිදහසින් පසු ප්‍රථම වරට මහජන නියෝජිතයන් සඳහා මෙවැනි චර්යාධර්ම පද්ධතියක් හඳුන්වාදෙන පළමු අවස්‌ථාව මෙයයි. ජාතික විධායක සභාවේ තීරණයක්‌ මත මෙය ගෙන එනු ඇත. මේ චර්යාධර්ම පද්ධතිය කෙටුම්පත් කිරීම ජනතා විමුක්‌ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතාට පවරා ඇති බව අමාත්‍යවරයා කීය.
ලංකාවේ විශාල වෙනසක් මේ මඟින් සිදු විය හැකියි. අද මන්ත්‍රීවරයා ලෙස හඳුන්වන පුද්ගලයා සම්පූර්ණයෙන් ම හෙට දවසේ මහජන සේවකයකු බවට පත්කිරීම සිදු වන බව පෙන්වා දුන් අමාත්‍යවරයා චර්යාධර්ම පද්ධතිය හඳුන්වා දීමෙන් පසුව එහි තිබෙන නීතිරීති අනුව මන්ත්‍රීවරයකු වීමට ඉදිරිපත් වන පුද්ගලයකුට දෙවරක්‌ නොව දසවරක්‌ සිතා බලා නාමයෝජනා ලබා දීමට සිදුවන බව ද වැඩිදුරටත් සඳහන් කළේය.
NDH
