පශ්චාත් මැතිවරණ සමයෙහි එනම් 2015 ජනවාරි මස 09 සහ 2015 ජනවාරි මස 10 යන දෙදින තුළ යාපනය ඇතුළු උතුරු පළාතෙහි හමුදා කඳවුරු කිහිපයකට යම්කිසි පිරිසක් විසින් ගල් ප්‍රහාරයක් එල්ල කළ බවටත් විවිධාරකාර පිරිමි හඬවල් ඇසුණු බවටත්, තහනම් ත්‍රස්තවාදී සංවිධානයක් වන එල්ටීටීඊ කොඩිය ඔසවා තැබු බවටත් මිථ්‍යා මතයක් සමාජ මාධ්‍ය ඔස්සේ ජනතාව නොමග යවන සුළු ප්‍රචාරයක් සිදුකර ඇති බව හමුදා ප්රකාශක බි‍්‍රගේඩියර් රුවන් වනිගසූරිය මහතා ප්‍රකාශ කරයි.
මෙම පදනම් විරහිත ප්‍රචාරයන්හි කිසිදු සත්‍යක් නොමැති අතර උතුරු සහ නැගෙනහිර දෙපළාත දිවයිනේ අනෙකුත් පළාත් මෙන් ඉතා සාමකාමීව පවතී. එම ප්‍රදේශයන්හි ආරක්ෂාව තහවුරු කර ඇති අතර කිසිදු කඩාකප්පල් ක්‍රියාවක් සිදුවී නොමැති බවත්, එවන් ක්‍රියා සිදුකිරීමට කිසිවෙකු හට ඉඩ ප්‍රස්ථාවක් නොමැති බවත් මින් තහවුරු කෙරේ.
- ආරක්ෂක අමාත්‍යංශය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
