ප්‍රචණ්ඩත්වයෙන් තොර සාමකාමී ජනාධිපතිවරණයක් පැවැත්වීමට රජය ගන්නා උත්සාහය බෙහෙවින් අගය කරන බව ශ්‍රී ලංකාවේ ඇමරිකානු වැඩබලන තානාපති සහ නියෝජ්‍ය දූත මණ්ඩල ප්‍රධානී විලියම් වෙයින්ස්ටීන් මහතා අද (07) පස්වරුවේ ආර්ථික සංවර්ධන අමාතාංශයේදී අමාත්‍ය බැසිල් රාජපක්ෂ මහතා හමුවූ අවස්ථාවේදී ප්‍රකාශ කළේය.
මෙහිදී අමාත්‍ය බැසිල් රාජපක්ෂ මහතා ප්‍රකාශ කළේ මැතිවරණ සමය හෝ ජනාධිපතිවරණය නිමාවීමෙන් පසු කිසිදු පශ්චාත් මැතිවරණ ප්‍රචණ්ඩ ක්‍රියාවක් සිදුවීමට රජය ඉඩ නොතබන බවය.
ඉන්දීය මහ කොමසාරිස් කාර්යාලයේ විශේෂ නියෝජිතයෙකු සහ අමාත්‍ය බැසිල් රාජපක්ෂ මහතා අතර හමුවක්ද පැවති අතර සාමකාමී ජනාධිපතිවරණයක් පැවැත්වීමට කටයුතු යෙදීම පිළිබඳව ඉන්දීය නියෝජිතයා එහිදී සතුට ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
