අද උදෑසන 05.30ට නිකුත් කරන ලද කාලගුණ නිවේදනයට අනුව අපරභාගයේදී හෝ සන්ද්‍යා කාලයේදී ඌව පළාතේ ස්ථාන ස්වල්පයක වැසි හෝ ගිගුරුම් සහිත වැසි වර්ධනය විය හැක.

ප්‍රධාන නගර සඳහා කාලගුණ අනාවැකිය

අනුරාධපුරයට කොළඹට ගාල්ලට රත්නපුරයට නුවරඑළියට මහනුවරට මඩකළපුවට ත්‍රිකුණාමලයට යාපනයට හා මන්නාරමට ප්‍රධාන වශයෙන් යහපත් කාලගුණ තත්ත්වයක් පවතී.

උෂ්ණත්වය හා වර්ෂාපතනය

අද උපරිම උෂ්ණත්වය සෙල්සියස් අංශක 30.0°C කොළඹ, ගාල්ල, රත්නපුර සහ අනුරාධපුරයෙන් ද අවම උෂ්ණත්වය සෙල්සියස් අංශක 11.0°C නුවරඑළියෙන් ද අපේක්ෂා කෙරේ.

අද උදෑසන 05.30ට වනවිට තුළ ප්‍රධාන කාලගුණ මධ්‍යස්ථානවල වාර්තා වූ වර්ෂාපතනයන් මෙසේය:

මි.මී. 6.9ක වර්ෂාපතනයක් කොළඹින් ද මි.මී. 48.0ක වර්ෂාපතනයක් බන්ඩාරවෙලින් ද මි.මී. 18.8ක වර්ෂාපතනයක් මහඉලුප්පල්ලමෙන් ද මි.මී. 7.3ක වර්ෂාපතනයක් කටුනායකින් හා නුවරඑළියෙන් ද මි.මී. 17.7ක වර්ෂාපතනයක් ත්‍රීකුණාමලයෙන් ද මි.මී. 3.1ක වර්ෂාපතනයක් රත්මලානෙන් ද මි.මී. 38.3ක වර්ෂාපතනයක් මොනරාගලින් ද වාර්තා වී තිබේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 31.7°C හම්බන්තොට ප්‍රදේශයෙන් ද අවම උෂ්ණත්වය සෙල්සියස් අංශක 11.2°C නුවරඑළියෙන් ද මි.මී. 5.0ක උපරිම වර්ෂාපතනය මොනරාගල ප්‍රදේශයෙන් ද වාර්තා වී තිබේ.