විපතට පත් ජනතාවගේ සුබසාධන කටයුතු සඳහා රජයෙන් රුපියල් මිලියන 500ක මුදලක් ආපදා කළමනාකරණ අමාත්‍යංශයට වෙන්කර දී තිබේ.
දකුණු, බස්නාහිර, සබරගමුව, ඌව, උතුරු, මධ්‍යම, වයඹ, නැඟෙනහිර සහ උතුරු මැද පළාත්වලින් ආපදාවට ලක් වූවන් වාර්තා වන අතර ජීවිත හානි 30ක් ද තුවාලකරුවන් 20ක් හා අතුරුදහන් වූවන් 6ක් ද වාර්තා වේ.
නිවාස 4911ක් පූර්ණ වශයෙන් හානියට පත් ව ඇති අතර නිවාස 15181කට අර්ධ හානි සිදු ව තිබේ. ඊයේ පස්වරු 6.00 වනවිට ආරක්ෂිත ස්ථාන 621ක පවුල් 33915ක 117544 දෙනෙකුට නවාතැන් සලසා දී තිබේ.
ජලයෙන් යටවීම නිසා නිවාසවලින් ඉවත්කළ ජනතාවට පිසූ ආහාර හා අත්‍යවශ්‍ය සේවාවන් සැපයීම අදාළ දිස්ත්‍රික් ලේකම්වරුන් හරහා නොකඩවා සිදු කෙරේ.
