අද (20) උදෑසන 05.30ට නිකුත් කරන ලද කාලගුණ අනාවැකියට අනුව දිවයිනේ මධ්‍යම, උතුරු මැද, නැගෙනහිර සහ ඌව පළාත්වල විටින් විට වැසි හෝ ගිගුරුම් සහිත වැසි ඇති වේ.

විශේෂයෙන් අපරභාගයේදී හෝ සන්ධ්‍යා කාලයේ දි සෙසු ප්‍රදේශවල ද වැසි හෝ ගිගුරුම් සහිත ඇති වේ. සමහර ස්ථානවලට තද වැසිද (මිලී මීටර් 100ක පමණ) අපේක්ෂා කෙරේ.

ගිගුරුම් සහිත වැසි ඇති වන විට එම ප්‍රදේශවල තාවකාලික ව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ප්‍රධාන නගර සඳහා කාලගුණ අනාවැකිය

කොළඹට ගාල්ලට රත්නපුරයට අපරභාගයේදී හෝ සන්ධ්‍යා කාලයේ දී වැසි හෝ ගිගුරුම් සහිත වැසි ඇති වේ.

අනුරාධපුරයට යාපනයට ත්‍රිකුණාමලයට මහනුවරට නුවරඑළියට මන්නාරමට මඩකළපුවට විටින් විට වැසි ඇති වේ.

උෂ්ණත්වය හා වර්ෂාපතනය

අද උදෑසන 5.30 වන විට මි.මී. 138.4ක වර්ෂාපතනයක් අනුරාධපුරයෙන් ද මි.මී. 21.9ක වර්ෂාපතනයක් බන්ඩාරවෙලින් ද මි.මී. 117.3ක වර්ෂාපතනයක් මඩකළපුවෙන් ද මි.මී. 31.4ක වර්ෂාපතනයක් හම්බන්තොටින් ද මි.මී. 12.5ක වර්ෂාපතනයක් යාපනයෙන් ද මි.මී. 10.5ක වර්ෂාපතනයක් ගාල්ලෙන් ද  මි.මී. 22.8ක වර්ෂාපතනයක් කටුගස්තොටින් ද මි.මී. 6.2ක වර්ෂාපතනයක් කටුනායකින් ද මි.මී. 35.6ක වර්ෂාපතනයක් මන්නාරමෙන් ද මි.මී. 13.5ක වර්ෂාපතනයක් නුවරඑළියෙන් ද මි.මී. 74.6ක වර්ෂාපතනයක් පුත්තලමෙන් ද මි.මී. 27.2ක වර්ෂාපතනයක් පොතුවිල් ද මි.මී. 8.0ක වර්ෂාපතනයක් රත්මලාන හා රත්නපුරින් ද‍ මි.මී. 17.8ක වර්ෂාපතනයක් මත්තලින් ද වාර්තා වී තිබේ. අනෙක් ප්‍රධාන නගරවලින් සැලකිය යුතු වර්ෂාපතනයක් වාර්තා වී නැත.

අද උපරිම උෂ්ණත්වය සෙල්සියස් අංශක 31.0°C ගාල්ලෙන් ද අවම උෂ්ණත්වය සෙල්සියස් අංශක 13.0°C නුවරඑළියෙන් ද අපේක්ෂා කෙරේ.

ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 31.9°C හම්බන්තොට ප්‍රදේශයෙන් ද අවම උෂ්ණත්වය සෙල්සියස් අංශක 12.8°C නුවරඑළියෙන් ද මි.මී. 93.9ක උපරිම වර්ෂාපතනය බදුල්ල මහදෝව ප්‍රදේශයෙන් ද වාර්තා වී තිබේ.

HC