එමෙන් ම නාමයෝජනා බාරගැනීමෙන් පසු ව කිසිදු ආකාරයේ පෙළපාළි සඳහා අවසර නොදෙන අතර එම ප්‍රදේශයේ ආරක්ෂාව සහ රථවාහන සැලසුම ක්‍රියාත්මක කිරීමට අවශ්‍ය සහය ලබාගැනීම වෙනුවෙන් පොලිස් නිලධාරීන් 2000ක පමණ පිරිසක් ද යොදවා ඇත.
ඒ අනුව උදේ 9.00 සිට සවස 2.00 දක්වා වැලිකඩ හන්දිය, ආයුර්වේද වටරවුම හා කොටාපාර, පාර්ලිමේන්තු මාර්ගය වාහන ගමනාගමනය එක් මං තීරුවකට පමණක් සීමා වන අතර දහවල් 12.30 සිට 1.30 දක්වා එම මාර්ගය සම්පූර්ණයෙන් ම වසාදැමේ. නාමයෝජනා බාරදෙන කාලසීමාවේදී සරණ පාර සම්පූර්ණයෙන් ම වසා තැබේ.
මෙම කාලසීමාවේ දී මෙම මාර්ගවල ගමන් කිරීමට අවසර ලබාදෙන්නේ සැහැල්ලු වාහන හා මගී බස් රථවලට පමණක් වන අතර බර වාහන ගමන්කිරීම සම්පූර්ණයෙන් තහනම් කෙරේ.
සිදුවන අපහසුතා මග හැර ගැනීම සඳහා විකල්ප මාර්ග භාවිත කරන ලෙස පොලිසිය ජනතාවගෙන් ඉල්ලා සිටී.
DB
