ප්‍රධාන අමාත්‍ය ප්‍රසන්න රණතුංග මහතා මේ බව ප්‍රකාශ කළේ අද (05) ශ්‍රී ලංකා නිදහස් පක්ෂ මූලස්ථානයේ පැවැති එක්සත් ජනතා නිදහස් සන්ධාන ප්‍රවෘත්ති සාකච්ඡාවට එක්වෙමිනි.
සභාවේ බලය පෙරළීම සඳහා සභාව රැස්විය යුතු නොවන බවත් එය දිවුරුම් ප්‍රකාශයක් මගින් සිදු කළ හැකි බවත් පෙන්වා දුන් ප්‍රධාන අමාත්‍යවරයා එසේ සිදු කළ නොහැකි නම් විපක්ෂයේ මන්ත්‍රීවරුන්ට ඉල්ලා අස්වන්න යැයි ද කීය.
පසුගිය දා පැවැති ඉදිරි වර්ෂය සඳහා වන බස්නාහිර පළාත් අයවැයේ දී සෑම වැය ශීර්ෂයක් ම වැඩි ඡන්ද 25කින් පමණ සම්මත වූ බවත් පෙන්වා දුන් ඒ මහතා පළාත් සභාවේ ආණ්ඩු පක්ෂයේ නියෝජනය 60ක් බවත් විපක්ෂයේ නියෝජනය 40ක් බවත් පෙන්වා දුන්නේය.
විරුද්ධ පක්ෂය මැතිවරණ වේදිකාවේ බොරු ප්‍රචාරයන් කරමින් ඇමැතිවරු සම්බන්ධයෙන් විවිධ කතා ගෙන යන බවත් අමාත්‍යවරයා මෙහිදී වැඩිදුරටත් පැවසීය.
DB
