මේ රටේ ගොවි ජනතාව වෙනුවෙන් සමස්ත ලංකා ගොවිජන සම්මේලනය පිහිටුවා ගනිමින් අරගල කළ බවත් උතුරු මැද පළාතේ සහල්, වී මාෆියාවක් ක්‍රියාත්මක කළ අතර ඒ දේ ක්‍රියාත්මක කළේ කවුද යන්න සියලු දෙනා දන්නා බවත් උපුල් කුමාර මහතා පැවසුවේ අද (05) කොළඹ පදනම් ආයතනයේදී ප්‍රජාතන්ත්‍රවාදය උදෙසා ජනතා විමුක්ති පෙරමුණේ ක්‍රියාකාරීන් පිරිසක් විසින් පැවැත්වූ මාධ්‍ය දැනුවත් කිරීමකට එක්වෙමිනි.
අද ජේ.වී.පී.ය ගොවියාගේ අයිතිවාසිකම් ගැන කතා කරන්නේ නැති තත්ත්වයට පත්වෙලා. බහුජාතික සමාගම්, රාජ්‍ය නොවන සංවිධානවල ඔඩොක්කුවට ජේවීපිය වැටිලා. කුඩා හා මධ්‍ය පරිමාණ මෝල් හිමියන් 300ක් අද අන්ත අසරණ තත්ත්වයට පත්වෙලා. ගොවියාගේ වීවලට සහතික මිලක් ලැබු‍ණේ නැති නිසා ජනාධිපතිතුමා චක්‍රලේඛයක් නිකුත් කළා යැයි ද ඔහු සඳහන් කළේය.
නිර්ධන පන්තියට බලය ලබා ගැනීමට ජනතා විමුක්ති පෙරමුණ ගමන් කළ මාර්ගය වෙනස් කර ඇති බවත් මේ යන ගමනට තවත් එක්ව සිටිය නොහැකි බවත් මෙහිදී අදහස් දක්වමින් ජනතා විමුක්ති පෙරමුණේ හෝමාගම ප්‍රාදේශීය සභා මන්ත්‍රී අජිත් ප්‍රේමකුමාර මහතා ද පැවසීය.
NDH
