හිටපු අමාත්‍ය නවීන් දිසානායක මහතා සිදු කළ ප්‍රකාශයක් සම්බන්ධයෙන් විශේෂ පරීක්‍ෂණයක් පැවැත්වීමට අපරාධ පරීක්ෂණ දෙපාර්තමේන්තුවට භාර දී ඇති බව ජනමාධ්‍ය හා තොරතුරු අමාත්‍ය, කැබිනට් මාධ්‍ය ප්‍රකාශක ආචාර්ය කෙහෙළිය රඹුක්වැල්ල මහතා පවසයි.
තමන් විපක්ෂයට එක්වීම වැළැක්වීම සඳහා ආණ්ඩුවෙන් රුපියල් මිලියන 100ක මුදලක් ලබාදීමට සූදානම් වූ බව හිටපු අමාත්‍යවරයා ප්‍රකාශ කර ඇති නිසා ඒ ගැන වාර්තාවක් ලබා දෙන්න පරීක්ෂණ සිදු කරන බවත් ඒ ගැන සාක්ෂි දෙන්න එතුමාට සිදු වන බවත් අමාත්‍යවරයා සඳහන් කළේය.
මෙම සිද්ධිය පිළිබඳ සොයා බලා අදාළ පුද්ගලයින් හෙළිදරව් කර ගන්නා ලෙසට රජය, අපරාධ පරීක්ෂණ දෙපාර්තමේන්තුවට පැමිණිල්ලක් ගොනුකළ බවත් අමාත්‍යවරයා අද (04) ජනාමාධ්‍ය හා තොරතුරු අමාත්‍යාංශයේ පැවති කැබිනට් තීරණ දැනුම් දීමේ මාධ්‍ය හමුවේ දී පැවසීය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
