අද (03) රාජ්‍ය ආරක්ෂක හා නාගරික සංවර්ධන අමාත්‍යාංශයේ මාධ්‍ය කේන්ද්‍රයේ පැවති මාධ්‍ය සාකච්ඡාවේදී ඒ මහතා මේ බව සඳහන් කර සිටියේය.

මෙම මාර්ග සංචාරය යුද හමුදා පුහුණු පාසැල් ස්ථානගත ව ඇති අනුරාධපුරය, මහියංගනය, වරකාපොළ, දියතලාව, ගාල්ල, කුරුණෑගල, වව්නියාව, හෝමාගම, අම්බලන්ගොඩ හා මහනුවර යන නගර ආශ්‍රිත ව පැවැත්වීමට කටයුතු සූදානම් කර ඇත. මෙම සංචාරය සෙබළුන් සඳහා කි.මී. 12ක් වන අතර සෙබළියන් සඳහා කි.මී. 06 කි. 07දා පෙ.ව. 8.30 සිට 12.30 දක්වා මෙම මාර්ග සංචාරය සිදු කරනු ලැබේ.

මෙම මාර්ග සංචාරයට ප්‍රථමයෙන් මෙම සෙබළ සෙබළියන් සියලු දෙනා ම වෛද්‍ය පරීක්ෂණයකට භාජනය කර ඒ සඳහා ඔවුන්ගේ ශාරීරික යෝග්‍යතාවය පරික්ෂා කරනු ලබන අතර යුද හමුදා තූර්ය වාදක කණ්ඩායම් ද මෙම පාගමනේ යෙදෙති.