2014 වසරේ හොඳ ම වාර්ෂික වාර්තාව සහ ගිණුම්කරණය තරගාවලියේ තිළිණ ප්‍රදානෝත්සවය අධ්‍යාපන අමාත්‍ය බන්දුල ගුණවර්ධන මහතාගේ ප්‍රධානත්වයෙන් පෙරේදා (30) බණ්ඩාරනායක අනුස්මරණ ජාත්‍යාන්තර සම්මන්ත්‍රණ ශාලාවේදී පැවති අතර එහිදී අමාත්‍යතුමා මේ බව සඳහන් කළේය.
මහින්ද චින්තන අධ්‍යාපන දැක්ම යටතේ දුප්පතුන්ට සෑබෑ හැරවුමක් ලබාදී තිබෙන බව පෙන්වා දුන් අමාත්‍යතුමා අධ්‍යාපනය ගුණාත්මක බවින් ඉහළ මට්ටමට ගෙන ඒමට ශ්‍රී ලංකා ගණකාධිකරණ ශිල්පීය ආයතනය වැනි ආයතනවලට ද වගකීමක් තිබෙන බව ඔහු පෙන්වා දුන්නේය.
මේ වර්ෂයේ මේ තරගයෙන් පළමු ස්ථානය ලබා ගත්තේ මහනුවර පුෂ්පදාන බාලිකා විද්‍යාලය වන අතර කොළඹ රාජකීය විද්‍යාලය දෙවැනි ස්ථානය හිමි කර ගත්තේය. තෙවැනි ස්ථානය කොළඹ විශාඛා විද්‍යාලය හිමි කර ගත්තේය. දිවයිනේ සියලු ම පළාත් ආවරණය වන පරිදි ජාතික පාසල් අතර මෙම තරගාවලිය පැවැත්විණි.
ශ්‍රී ලංකා ගණකාධිකරණ ශිල්පීය ආයතනයේ සභාපති ලලිත් ටී. ප්‍රනාන්දු මහතා ඇතුළු පිරිසක් මෙම අවස්ථාවට එක්ව සිටියහ.
NDH/kpm
