සන්ධාන ජනාධිපති අපේක්ෂක මහින්ද රාජපක්ෂ මහතාගේ ඇප තැන්පත් කිරීමෙන් අනතුරු ව අදහස් පළකරමින් ශ්‍රී ලංකා නිදහස් පක්ෂයේ ප්‍රධාන ලේකම් නීතිඥ අනුර ප්‍රියදර්ශන යාපා ප්‍රකාශ කළේ ඉකුත් ජනාධිපතිවරණයත් වඩා මෙවර ජනාධිපතිවරණයේ දී ඉතා ඉහළ වැඩි ප්‍රතිශතයකින් එක්සත් ජනතා නිදහස් සන්ධාන අපේක්ෂකයා ජයග්‍රහණය කරන අතර ඒ සඳහා සියලු මැතිවරණ සැලසුම් මේ වන විටත් සකස්කර ඇති බවය.
මහජන එක්සත් පෙරමුණේ නායක අමාත්‍ය දිනේෂ් ගුණවර්ධන මහතා කියා සිටියේ ජනාධිපති අපේක්ෂක මහින්ද රාජපක්ෂ මහතාගේ ජයග්‍රහණය වෙනුවෙන් ශ්‍රීලනිප සමඟ තවත් පක්ෂ 14ක් දැනටමත් එක්සත් ජනතා නිදහස් සන්ධානය සමඟ එක් වී ඇති අතර ඉදිරියේදී තවත් දේශපාලන පක්ෂ සහ කණ්ඩායම් රාශියක් සමඟ අත්වැල් බැඳගැනීමට කටයුතු කරගෙන යන බවය.
මෙම අවස්ථාවට ශ්‍රීලනිප ජාතික සංවිධායක බැසිල් රාජපක්ෂ, ජ්‍යේෂ්ඨ අමාත්‍ය ඒ.එච්.එම්. ෆවුසි, අමාත්‍ය මුත්තු සිවලිංගම් යන මහත්වරු ඇතුළු එක්සත් ජනතා නිදහස් සන්ධානයේ නායකයන් සහ ක්‍රියාකාරින් පිරිසක් එක් ව සිටියහ.
DB
