2015 වර්ෂය සඳහා සිංහල, දෙමළ හා ඉංග්‍රීසි මාධ්‍යවලින් පොත් වර්ග 435ක පිටපත් මිලියන 37.6ක් මුද්‍රණය කර දිවයින පුරා සිටින හතලිස් දෙලක්ෂයකට ආසන්න පාසල් හා පිරිවෙන් ශිෂ්‍ය ප්‍රජාව වෙත ලබාදීමට බෙදාහැර ඇති අතර ඒ වෙනුවෙන් රජය රුපියන් මිලියන 2,400ක් වැය කර තිබේ. මෙවර 6 සහ 10 ශ්‍රේණිවලට නව විෂය නිර්දේශ යටතේ අලුත් ම පෙළපොත් සම්පාදනය කර ඇති අතර ඒවා ද අදාළ සිසුන් වෙත ලබාදීමට අවශ්‍ය පියවර ගෙන ඇත.
මෙම ජාතික උත්සවයට සමගාමී ව පළාත් මට්ටමින් පෙළපොත් බෙදාදීමේ උත්සව ද පැවැත්වීමට නියමිත අතර පාසල් මට්ටමින් ද දිවයින පුරා පිහිටි සෑම පාසලක ම පෙළපොත් බෙදාදීමේ උත්සව පැවැත්වෙනු ඇත.
