ගාල්ල ලබුදූව දක්‍ෂිණපාය අමාත්‍යංශ සංකීර්ණයේදී හෙට (02) විදුලි සංදේශ හා තොරතුරු තාක්‍ෂණ අමාත්‍ය රංජිත් සියඹලාපිටිය ජනාධිපති ලේකම් ලලිත් වීරතුංග, ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනයේ සභාපති මහාචාර්ය පී.ඩබ්ලිව්. ඈපාසිංහ යන මහත්වරුන්ගේ ප්‍රධානත්වයෙන් මෙය නිල වශයෙන් ක්‍රියාත්මක කිරීමට නියමිතය.
වාහන ආදායම් බල පත්‍රය අන්තර්ජාලය ඔස්සේ ලබා ගැනීමේ පහසුකම ද මේ සමඟම දකුණු පළාතට ද හඳුන්වා දීමට නියමිත බව නියෝජිතායතනය සඳහන් කරයි.
මෙම පළාතේ ලියාපදිංචි වාහන හිමිකරුවෙකුට සිය වාහන ආදායම් බලපත්‍රය පළාතේ ඕනෑ ම ප්‍රාදේශීය ලේකම් කාර්යාලයකින් ලබා ගැනීමේ පහසුකම මේ වන විට ලැබී තිබෙන අතර මෙම නව පහසුකම් හඳුන්වාදීමත් සමඟම ප්‍රාදේශීය ලේකම් කාර්යාලය වෙත පැමිණ ආදායම් බලපත්‍රය ලබා ගැනීමේදීත් ඉහත සඳහන් ක්‍රමවේද ඔස්සේ මුල්‍ය ගෙවීම් කිරීමට හැකිවීම මෙහි ඇති විශේෂත්වයකි.
අන්තර්ජාලය ඔස්සේ මෙම සේවාව ලබා දීම බස්නාහිර පළාතෙන් ප්‍රථමයෙන් ආරම්භ කෙරුණු අතර එහිදී ලද සාර්ථකත්වය මත දකුණු පළාතට ද මෙය හදුන්වා දීමට පියවර ගත් බව නියෝජිතායතනය පවසයි.
2014 වසරේදී මේ වන විට බස්නාහිර පළාත තුළ අන්තර්ජාලය ඔස්සේ වාහන ආදායම් බලපත්‍ර මිලියනයක් පමණ නිකුත් කර තිබෙන බවද නියෝජිතායතනය ප්‍රකාශ කර සිටියි.
අන්තර්ජාලය ඔස්සේ www.srilanka.lk සහ www.gov.lk වෙබ් අඩවිවලට පිවිසීමෙන් මෙම පහසුකම ලබා ගැනීමට හැකියාව ඇත.
SDF
