අද උදෑසන 05.30ට නිකුත් කරන ලද කාලගුණ අනාවැකියට අනුව ගිගුරුම් සහිත වැසි ඇති වන විට එම ප්‍රදේශවල තාවකාලික ව තරමක තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණික ව ඉල්ලා සිටිනු ලැබේ.
අද උදෑසන 5.30 වනවිට මීදුම සහිත තත්ත්වයක් කුරුණෑගල සහ කටුගස්තොටින් ද ඝන මීදුම තත්ත්වයක් රත්නපුරයෙන් ද වාර්තා වී තිබේ.
ප්‍රධාන නගර සඳහා කාලගුණ අනාවැකිය
ගාල්ලට කොළඹට නුවරඑළියට මහනුවරට රත්නපුරයට අනුරාධපුරයට අපරභාගයේදී සහ රාත්‍රී කාලයේදී ගිගුරුම් සහිත වැසි.
මඩකළපුවට යාපනයට ත්‍රිකුණාමලයට මන්නාරමට අපරභාගයේදී සහ සන්ධ්‍යා කාලයේදී ගිගුරුම් සහිත වැසි.
උෂ්ණත්වය හා වර්ෂාපතනය
අද උදෑසන 5.30 වනවිට මි.මී. 25.3ක වර්ෂාපතනයක් පුත්තලමෙන් ද මි.මී. 27.9ක වර්ෂාපතනයක් අනුරාධපුරයෙන් ද මි.මී. 13.7ක වර්ෂාපතනයක් වවුනියාවෙන් ද මි.මී. 11.3ක වර්ෂාපතනයක් නුවරඑළියෙන් ද වාර්තා වී තිබේ.
අද උපරිම උෂ්ණත්වය සෙල්සියස් අංශක 33.°C රත්නපුර හා අනුරාධපුරයෙන් ද අවම උෂ්ණත්වය සෙල්සියස් අංශක 12.0°C නුවරඑළියෙන් ද අපේක්ෂා කෙරේ.
අද උදෑසන 5.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 33.3°C අනුරාධපුර ප්‍රදේශයෙන් ද අවම උෂ්ණත්වය සෙල්සියස් අංශක 11.7°C නුවරඑළියෙන් ද මි.මී. 91.0ක උපරිම වර්ෂාපතනය පේරාදෙනිය ලූල්කඳුර ප්‍රදේශයෙන් ද වාර්තා වී තිබේ.
HC
