මෙම වැඩසටහන පාසල් සිසුන් මුහුණපාන බාධක ඉවත් කර ඔවුන්ට ගුණාත්මක අධ්‍යාපනයක් ලබා ගැනීමට අවශ්‍ය පසුබිම සකස් කිරීම සඳහා ප‍්‍රථම වරට අමාත්‍යංශ 09ක් හා එක් ව සකස් කරන ලද ඒකාබද්ධ සැලැස්මකි.
දීර්ඝ කාලයක් තුළ අධ්‍යාපනය සඳහා පැවති අභියෝග මෙම බහු ආංශික සැලැස්ම නිර්මාණය කිරීමේදී සැලකිල්ලට භාජනය කර ඇති අතර ප‍්‍රවාහන අමාත්‍යංශය මඟින් පාසල් ප‍්‍රවාහන පද්ධති ශක්තිමත් කිරීම, දරුවන්ට කායික දඬුවම් ලබා දීමට එරෙහි ව වැඩසටහන් දියත් කිරීමට පොලිසිය මැදිහත් වීම, ක‍්‍රියාකාරී විෂයමාලා තුළින් පාසල් ගෙවතු වගා කිරීමට කෘෂිකර්ම අමාත්‍යංශ සම්බන්ධ කරගැනීම සහ නිරන්තර වෛද්‍ය පරීක්‍ෂණ හා සෞඛ්‍ය ප‍්‍රවර්ධන වැඩසටහන් දියත් කිරීම සඳහා සෞඛ්‍ය අමාත්‍යංශ සම්බන්ධ වීම මෙන් ම නිරන්තර වෛද්‍ය පරීක්‍ෂණ හා සෞඛ්‍ය ප‍්‍රවර්ධන වැඩසටහන් දියත් කිරීම සඳහා සෞඛ්‍ය අමාත්‍යංශයේ මැදිහත්වීම ආදිය මෙම නව සැලැස්ම සඳහා ඇතුළත් වේ.
අඩු ආදායම්ලාභී පවුල්වල දරුවන්හට අඛණ්ඩ අධ්‍යාපනය සහතික කිරීම සඳහා ආර්ථික සංවර්ධන අමාත්‍යංශය සහ සමාජ සේවා අමාත්‍යංශය විසින් දියත් කරනු ලබන විදේශ ආධාර ක‍්‍රමවේදයන් පිළිබඳව ද මෙම සැලැස්මෙහි ඇතුළත් ව ඇත .
ප‍්‍රාථමික අධ්‍යාපනය සඳහා ඉහළ ප්රවේශයක් සහ ගැහැණු සහ පිරිමි ළමයින් ඉහළ ප‍්‍රතිශතයක් ප‍්‍රාථමික අධ්‍යාපනය තුළ රැඳී සිටීම වාර්තා කිරීම තුළින් ශ‍්‍රී ලංකාව අධ්‍යාපනයේ සහස‍්‍ර සංවර්ධන ඉලක්ක සාක්‍ෂාත් කර ගෙන ඇත. ඉගැන්වීමට පමණක් සීමා නොකර ‘පාසල’ දරුවන් ඉගෙන ගන්නා තැනක් බවට පත් කිරීම උදෙස ළමා මිතුරු ප‍්‍රවේශය ජාතික වැඩපිළිවෙළක් ලෙස පිළිගනිමින් ගුණාත්මක අධ්‍යාපනයක් ලබා දීම රටෙහි ප‍්‍රමුඛතාව බවට පත් වී ඇත .
NDH/priu
