දැනට සහල් ආන‍යනයේදී අය කෙරෙන කි‍ලෝ ග්‍රෑමයට රුපියල් 20/-ක් වූ ආනයන තීරු බද්ද, 12%ක් වූ එකතු කළ අගය මත බද්ද, 5%ක් වූ වරාය හා ගුවන් තොටුපොළ සංවර්ධන බද්ද හා 2% ක් වූ ජාතිය ගොඩනැඟීමේ බද්ද යන සියලු ම බදු ඉවත්කර, ඒ වෙනුවට රුපියල් 5/-ක විශේෂ වෙළෙඳ භාණ්ඩ බද්දක් 2014 අප්‍රේල් 09 දින සිට ක්‍රියාත්මක වන පරිදි අය කිරීමට රජය තීරණය කර ඇති බව මුදල් හා ක්‍රමසම්පාදන අමාත්‍යාංශය නිවේදනය කරයි.
දැනට රට තුළ පවත්නා දැඩි නියඟය හේතුවෙන් අපේක්ෂිත සහල් අස්වැන්න නොලැබීම මත වෙළඳපොළේ සහල් මිල ඉහළයාමේ ප්‍රවණතාවයක් පවතින බැවින්, ඉදිරි උත්සව සමයේ දී පාරිභෝගික ජනතාවට සහන සැලසීම උදෙසා මෙම තීරණය ගෙන ඇත.
2014 පෙබරවාරි වනවිට නියඟය හේතුවෙන් අහිතකර බලපෑමට ලක්ව ඇති වී වගා බිම් ප්‍රමාණය හෙක්ටයාර් 87,281 වන අතර, එහි වැඩිම බලපෑමක් වාර්තා වනුයේ උතුර හා නැගෙනහිර පළාත්වලින් බව කෘෂිකර්ම දෙපාර්තමේන්තු තොරතුරුවලට අනුව තහවුරු වේ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
