මෙම වැඩසටහනට සමගාමීව තංගල්ල, මාතර, ගාල්ල, ඇල්පිටිය, ගල්කිස්ස, පානදුර, කැලණිය, මීගමුව, පුත්තලම, හලාවත යන පොලිස් බලප්‍රදේශ තුළද මෙම වැඩසටහන එදිනම ක්‍රියාත්මක වන බව මාර්ග ආරක්ෂාව පිළිබඳ ජාතික සභාවේ සභාපති ගාමිණී ඒකනායක මහතා පැවසීය.
සභාපතිවරයා මේ බව පැවසුවේ අද (09) පස්වරුවේ රජයේ ප්‍රවෘත්ති දෙපාර්තමේන්තුවේදී පැවති මාධ්‍ය සාකච්ඡාවකට එක් වෙමිනි.
පසුගිය දශකය තුළ මාර්ග අනතුරුවලින් පාපැදිකරුවන් 2691ක් මියගොස් ඇති අතර, 2013 වසරේ පමණක් 258ක් මියගොස් ඇත.
මෙම වැඩසටහන ක්‍රියාත්මක කිරීමේ ප්‍රධාන අරමුණ වනුයේ අවාසනාවන්ත ලෙස මියයන ජීවිත රැකගැනීම බව සභාපතිවරයා තවදුරටත් පැවසීය.
මෙම දීපව්‍යාප්ත වැඩසටහන මාර්ග ආරක්ෂාව පිළිබඳ ජාතික සභාව සහ ශ්‍රී ලංකා පොලීසිය එක්ව සංවිධානය කරයි.
ECB
