ධීවර අමාත්‍යංශයේ මෙන් ම එම දෙපාර්තමේන්තුවේ නිලධාරීන් පිරිසක් සමඟ නීතිපති දෙපාර්තමේන්තුවේ නියෝජිතයෙක්ද මෙම සාකච්ඡාව සඳහා සහභාගී වන බව ධීවර අමාත්‍යංශය පවසයි.
ඉන්දු ලංකා ධීවර ගැටලුව සම්බන්ධයෙන් වූ පළමු වටයේ සාකච්ඡා මීට ඉහතදී පැවැතියත් යම් යම් අවස්ථාවලදී විවිධ ගැටලු පැන නැගීම හේතුවෙන් එම සාකච්ඡා කඩිනමින් නිමා කරගැනීමට නොහැකි විය. එහෙත් ප‍්‍රථම වටයේ සාකච්ඡාවල ප‍්‍රගතියට අදාළ කරුණු සමඟ හෙට දිනයේ දෙවන වටයේ සාකච්ඡවලදී ඉදිරියට පැවැත්වෙනු ඇත.
නවදිල්ලි නුවර පැවැත්වෙන මෙම සාකච්ඡාව සඳහා ඉන්දීය පාර්ශවය වෙනුවෙන් ධීවර, ස්වදේශ මෙන් ම විදේශ කටයුතු අමාත්‍යංශ නිලධාරීන් සහභාගී වනු ඇත. පසුගිය 15 වැනි දාට යෙදුණු ඉන්දියාවේ 68 වන නිදහස් දිනය නිමිත්තෙන් ශී‍්‍ර ලංකා අත්අඩංගුවේ සිටි සියලු ඉන්දීය ධීවරයන් නිදහස් කිරීමට ද ජනාධිපති මහින්ද රාජපක්ෂ මැතිතුමා පියවර ගත්තේය.
NDH/priu
