පකිස්තාන ගුවන් හමුදාපති එයාර් චීෆ් මාෂල් තහීර් රාෆික් බට් මහතා (Air Chief Marshal Tahir Rafique Butt) තෙදින නිල සංචාරයක් සඳහා අද (27) ශ්රී ලංකාවට පැමිණීමට නියමිතය. ශ්රී ලංකා ගුවන් හමුදාපති එයාර් මාෂල් කෝලිත ගුණතිලක මහතාගේ ආරාධනයකට අනුව මෙම සංචාරය සිදු කෙරේ.
පකිස්තාන ගුවන් හමුදාපතිගේ මෙරට සංචාරය අතරතුදී ජනාධිපති මහින්ද රාජපක්ෂ මැතිතුමා හමුවීමට අපේක්ෂිත අතර ආරක්ෂක හා නාගරික සංවර්ධන අමාත්‍යංශයේ ලේකම් ගෝඨාභය රාජපක්ෂ මහතා ද හමුවීමට නියමිතය.
ශ්රී ලංකා ගුවන් හමුදාපති කෝලිත ගුණතිලක මහතා සහ පකිස්තාන ගුවන් හමුදාපතිවරයා අතර හමුවෙන් දෙරටේ වෘත්තීමය සහයෝගීතාව සහ සහජීවනය තවදුරටත් වර්ධනය කරගැනීමේ කෙරෙහි විශේෂ අවධානය යොමු කරනු ඇත.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
