රට තුළ ප්‍රමාණවත් ආහාර තොග පවත්වා ගනිමින් ආහාර සුරක්ෂිතතාව ඇති කිරීමත්, දේශීය සැපයුමේ ඌනතාවන් හේතුවෙන් ධාන්‍ය මිල ඉහළ යාම පාලනය කිරීමත් සමඟ මෙම නිෂ්පාදනවල දේශීය සැපයුම අඩු කාලවල අදාළ බදු අඩු කිරීමත්, දේශීය සැපයුම ප්‍රමාණවත් පරිදි වෙළෙඳපොළට ලැබෙන විට නිෂ්පාදකයා ආරක්ෂා කරමින් කෘෂි බෝග සඳහා මෙම බදු ඉහළ මට්ටමක පවත්වා ගැනීමත් මඟින් පාරිභෝගිකයාත් නිෂ්පාදකයාත් ආරක්ෂා වන පරිදි ක්‍රියා කිරීම විශේෂ වෙළෙඳ භාණ්ඩ බදු ක්‍රමයේ ප්‍රධාන අරමුණ වේ.
ඒ අනුව ආනයනික පියලි නොකළ මයිසූර් පරිප්පු සඳහා කිලෝ ග්‍රෑම් 1කට රුපියල් 5.00ක්ව පැවති බද්ද රුපියල් 2.00 දක්වා ද පියලි නොකළ හා පියලි කළ වටානා පරිප්පු සඳහා පිළිවෙළින් කිලෝ ග්‍රෑමයට රුපියල් 22.00 හා රුපියල් 25.00ක්ව පැවති බද්ද රුපියල් 15.00 හා රුපියල් 18.00 දක්වා ද අඩු කර ඇත. තව ද මුංඇට සඳහා කිලෝ ග්‍රෑමයට රුපියල් 102.00ක්ව පැවති බද්ද රුපියල් 70.00 දක්වා ද කවුපි සඳහා කිලෝ ග්‍රෑමයට රුපියල් 100.00ක්ව පැවති බද්ද රුපියල් 70.00 දක්වා ද පියලි නොකළ හා පියලි කළ කොණ්ඩ කඩල සඳහා පිළිවෙළින් කිලෝ ග්‍රෑමයට රුපියල් 12.00 හා රුපියල් 15.00ක්ව පැවති බද්ද රුපියල් 7.00 හා රු. 10.00 දක්වා ද කුරක්කන් සඳහා කිලෝ ග්‍රෑමයට රුපියල් 100.00ක්ව පැවති බද්ද රුපියල් 70.00 දක්වා ද අඩු කර ඇති බව මුදල් හා ක්‍රමසම්පාදන අමාත්‍යාංශය පවසයි.
NDH/mof
