ඒ අනුව අද (03)හෙට (04) සහ අනිද්දා (05) තෙදින පුරා ඩෙංගු මර්දන ශ්‍රමදාන වැඩසටහනක් දිවයිනේ සෑම පාසලකම ක්‍රියාත්මක කිරීමට අධ්‍යාපන අමාත්‍යාංශය කටයුතු යොදා තිබේ.
ලබන 6 වැනි දා තෙවන පාසල් වාරය ආරම්භ වීමට ප්‍රථම ඩෙංගු මදුරු කීටයන් හා මදුරුවන්ගෙන් තොර පාසල් පරිශ්‍රයක් ගොඩනඟා ගැනීම සඳහා පාසල් සිසුන්ගේ, දෙමාපියන්ගේ සහභාගිත්වයෙන් හා ආදි ශිෂ්‍ය සංගම්ව, නියෝජිතයන්, පාසල් සංවර්ධන සමිති සාමාජිකයින්ගේ සහයෝගය ලබා ගනිමින් පාසල් පරිශ්‍රයන් පිරිසිදු කිරීමට පියවර ගන්නා ලෙස විදුහල්පතිවරුන්ට දන්වා ඇත.
අධ්‍යාපන අමාත්‍යවරයාගේ ඉල්ලීම මත මෙම දීප ව්‍යාප්ත වැඩසටහන ත්‍රිවිධ හමුදාව,පොලිසිය හා සිවිල් ආරක්ෂක බලකායේ දායකත්වයෙන් අධ්‍යාපන අමාත්‍යාංශය, සෞඛ්‍ය අමාත්‍යාංශය හා ජනාධිපති කාර්ය සාධන බලකායේ සම්බන්ධීකරණයෙන් සිදු කිරීමට නියමිතය.
