දුම්රිය මගීන්ගේ ඉල්ලීම පරිදි යාපනය නල්ලූර් කෝවිලේ වාර්ෂික ප්‍රධාන පූජෝත්සවය නිමිත්තෙන් සහභාගි වන බැතිමතුන්ගේ ගමන් පහසුව සඳහා දුම්රිය පළමු පන්තියේ වායු සමීකරණය කරන ලද අතිරේක මැදිරියක් එක්කොට ධාවනය කිරීමට කටයුතු යොදා ඇති බව ශ්‍රී ලංකා දුම්රිය සේවය සඳහන් කරයි.
ඒ අනුව ලබන අගෝස්තු 30 වැනි දා සිට සැප්තැම්බර් 01 වැනි දා දක්වා තෙදින තුළ ගල්කිස්ස දුම්රිය ස්ථානයේ සිට අංක 4021 දරන කන්කසන්තුරෙයි දුම්රිය ස්ථානය දක්වා ධාවනය වන නගරාන්ත සීඝ්‍රගාමී දුම්රියට සහ අංක 4022 දරන කන්කසන්තුරෙයි දුම්රිය ස්ථානයේ සිට ගල්කිස්ස දුම්රිය ස්ථානය දක්වා ධාවනය වන නගරාන්ත සීඝ්‍රගාමී දුම්රියන්ට දිනපතා ධාවනය වන දුම්රිය මැදිවලට අමතරව පළමු පන්තියේ දුම්රිය මැදිරි එක් කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
