දේශීය අර්තාපල් අස්වැන්න වෙළෙඳපොළට පැමිණීමේ දී එම ගොවීන්ට ඉහළ මිලක් ලබා දීම මෙම බදු ඉහළ නැංවීමේ අරමුණයි. අර්තාපල් සඳහා ඉහළ මිලක් ලබා දෙන ලෙස ගොවීන් දිගින් දිගට ම කළ ඉල්ලීම සැලකිල්ලට ගනිමින් රජය මගින් මෙම පියවර ගැණින.

 

ශ්‍රී ලංකාවේ වාර්ෂික අර්තාපල් පරිභෝජනය මෙට්‍රික් ටොන් 180,000ක් පමණ වන අතර, ඉන් 70%ක ප්‍රමාණයක් ආනයනය කරනු ලබයි. මේ වෙනුවෙන් රජය වාර්ෂිකව වැය කරනු ලබන මුදල රුපියල් මිලියන 4,800ක් පමණ වේ. මෙම වියදම අවම කර ගැනීමේ අරමුණෙන් දැනට 30%ක් පමණ වන දේශීය අර්තාපල් අස්වැන්න සපයන ගොවීන් දිරිමත් කරමින් ඔවුන්ට ඉහළ මිලක් ලබා දීම සඳහා මෙම බදු ඉහළ නැංවීම සිදු කර ඇත. එමෙන් ම අල ගොවීන්  දිරිමත් කරමින්, ක්ෂේත්‍රයේ ඵලදායීතාව ඉහළ නැංවීමට ද මෙමගින් අපේක්ෂා කෙරේ. 

 

අර්තාපල් සඳහා මේ වන විට පාලන මිලක් ක්‍රියාත්මක බැවින්, මෙම බදු ඉහළ නැංවීමෙන් කිසිසේත් ම පාරිභෝගිකයාට බලපෑමක් ඇතිවීමේ හැකියාවක් නොමැත.