ලබන සැප්තැම්බර් මස 03 වැනි දින පැවැත්වීමට නියමිත ග්‍රාම නිලධාරී III ශ්‍රේණියට බඳවා ගැනීමේ තරග විභාගයේ ප්‍රවේශ පත්‍ර තැපැල් කර තිබෙන අතර අගෝස්තු 29 වන විටත් ප්‍රවේශ පත්‍ර නොලැබුණු අයදුම්කරුවන් වෙතොත් පහත සඳහන් දූරකතන අංක වෙත දන්වන ලෙස විභාග කොමසාරිස් ජනරාල් ඩබ්ලිව්.එම්.එන්.පුෂ්පකුමාර මහතා දන්වා සිටි.
මෙම ප්‍රවේශ පත්‍ර පසුගිය 15 වැනි දා තැපෑලට යවා තිබේ.
දිවයින පුරා විභාග මධ්‍යස්ථාන 858කදී මෙම විභාගය පැවැත්වෙන අතර අයදුම්කරුවන් 109,021ක් විභාගය පෙනී සිටීමට නියමිතය.
විමසීම් සිදු කළ හැකි දූරකතන අංක පහත සඳහන් වේ.
සංවිධාන හා විදේශ විභාග ශාඛාව - 0112785230/0112177075
විභාග දෙපාර්තමේන්තු ක්ෂණික ඇමැතුම් අංකය- 1911
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
