මේ යටතේ විවිධ ක‍්‍රමවේදයන් 03 ක් යටතේ විවිධ ආර්ථික තත්ත්වයන් දරන නිවාස හිමියන්ට ගැළපෙන ලෙස මෙම ව්‍යාපෘතිය ක්‍රියාත්මක කිරීමට කටයුතු සිදු කර තිබෙන බවත් තමන්ගේ නිවසේ සූර්ය බලශක්ති පැනලයක් සවිකරගෙන, තමන්ට පරිභෝජනයට අවශ්‍ය විදුලියත් ලබාගෙන අතිරික්ත විදුලිය ලංකා විදුලිබල මණ්ඩලයට සපයා දීමටත් අවස්ථාව ලැබෙන බවත් ඒ මහතා පෙන්වා දුන්නේය.
ඒ තුළින් අමතර ආදායම් මාර්ගයක් විදුලි පාරිභෝගියාට ලැබෙන ක‍්‍රමයක් ඇති කිරීමට අපේක්ෂා කරන අතර කැබිනට් මණ්ඩලයට මේ පිළිබඳ සවිස්තර වාර්ථාවක් සහිත කැබිනට් පත‍්‍රිකාවක් ඉදිරිපත් කිරීමට ද සූදානම් බව ද අමාත්‍යවරයා සඳහන් කළේය.
අමාත්‍යාංශයේ පැවති විශේෂ නිල සාකච්ඡාවකට එක්වෙමින් අමාත්‍යවරයා මේ බව ඊයේ (10) සඳහන් කළ අතර ශ‍්‍රී ලංකාවේ දැනට ස්ථාපිත රාජ්‍ය හා පෞද්ගලික අංශයේ බැංකුකරුවන් සහභාගීවූ මෙම රැස්විම සංවිධානය කර තිබුණේ, අවශ්‍ය විදුලි පාරිභෝගිකයන් වෙත සූර්ය පැනල ලබාදීමේදී ඒ සඳහා සහන ණය ක‍්‍රමයක් හඳුන්වාදී මේ අරමුණෙනි.
ඒ අනුව සූර්ය පැනල මිලදී ගැනීම වෙනුවෙන් සහන ණය ක‍්‍රමයක් ක්‍රියාත්මක කිරීමට සැලසුම් කර තිබෙන අතර ඒ සඳහා ණය සැපයීම වෙනුවෙන් රාජ්‍ය හා පෞද්ගලික අංශයේ බැංකු සූදානමින් සිටින බවත් අමාත්‍යවරයා වැඩිදුරටත් පැවසීය.
