ලංකා විදුලිබල මණ්ඩලයට අයත් නොරොච්චෝල ගල් අඟුරු විදුලි බලාගාරය සඳහා ගල් අඟුරු මිලදීගැනීමේ ක‍්‍රමවේදය සම්බන්ධව පවතින තත්ත්වය පිළිබඳ කරුණු සොයාබැලීම සඳහා පත්කළ ත‍්‍රිපුද්ගල කමිටු වර්තාව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා වෙත එම අමාත්‍යාංශ පරිශ‍්‍රයේදී අද (01) භාර දුන්නේය.
මහාචාර්ය කේ. කේ. වයි. ඩබ්. පෙරේරා, මහාචාර්ය ලක්ෂ්මන් ආර්. වටවල සහ මහාචාර්ය ජනක බී. ඒකනායක යන මහත්වරුන්ගේ ප‍්‍රධානත්වයෙන් සැදුම්ලත් මෙම ත‍්‍රිපුද්ගල කමිටුව, පසුගිය මස 13 වනදා, විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා විසින් පත්කරන ලදී.
කමිටුව විසින් ලබාදුන් වාර්තාව කඩිනමින් පාර්ලිමේන්තුව වෙත සහ මාධ්‍යයට ඉදිරිපත් කිරීමට කටයුතු කරන බව අමාත්‍යවරයා වැඩිදුරටත් ප‍්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
