කොළඹ   දිස්ත්‍රික්කයේ    පමණක්   ගංවතුරෙන්    නිවාස    හානි වූ   පදිංචිකරුවන්      40,000ක්  පමණ  පිරිසක් සිටිති.

ගංවතුරෙන්   නිවාස  හානි වූ අයට  වන්දි ගෙවීමට   තක්සේරු  වාර්තා  ලැබීමෙන්  පසුව  සිදු  කරන    බවත් මෙම රුපියල් 10,000 ක් බැගින් දෙන්නේ   අත්තිකාරමක්   වශයෙන්  බවත්   කන්නන්ගර   මහතා පෙන්වා දුන්නේය.

මේ  අතර  සාලාව  යුද  හමුදා  කඳවුරේ   පිපිරීමෙන්     විනාශ  වී  ගිය  නිවාසවල   පදිංචි වී  සිටි  අයට  වෙනත්  නිවාස  සොයා   ගැනීම  සඳහා   මාස  3ක   කාලයකට  ලබාදෙන  රුපියල්  50,000 ක දීමනාව  අද  ( 14 ) දින වන  විට 150 කට  අධික  පිරිසකට    ලබා  දී  තිබූ  බව ද  දිස්ත්‍රික්  ලේකම්වරයා  සඳහන්    කළේය.

සාලාව  හමුදා  කදවුරේ   පිපිරීමෙන්  විනාශ  වී ගිය   නිවාස ගොඩනැගිලි   හා ව්‍යාපාරික  ස්ථාන  පිළිබඳව  රජයේ   තක්සේරු  නිලධාරින්   පසුගිය  දිනවල  සිදු  කරනු  ලැබූ  තක්සේරු  කිරීම්   පිළිබඳ  වාර්තා   ලැබුණු  පසු  ඒවාට    වන්දි  ගෙවීමේ   කටයුතු   ආරම්භ  කිරීමට   කටයුතු  යොදා  ඇත.

 මේ  අතර  යුද  හමුදා    කඳවුරේ   සිදුවූ  පිපිරීමෙන්   හානි වූ  සාලාව  හා  අවට  නිවාස  අලුත්වැඩියා  කිරීම යුද    හමුදාව  විසින්   කඩිනමින්   සිදු කරගෙන  යන  බවත්  අද  (14 )  සවස  වන විට  නිවාස  150 ක අලුත්වැඩියා   කටයුතු   අවසන්  කොට  තිබු  බවත්  යුද   හමුදාවේ   බස්නාහිර  ආඥාපති මේජර්  ජනරාල්  සුදන්ත  රණසිංහ  මහතා  පවසයි.