අමාත්‍යවරයා මේ බව අද (07) පාර්ලිමේන්තුවේ දී ප්‍රකාශ කළේ,පාර්ලිමේන්තු මන්ත්‍රී කනක හේරත් මහතා යොමු කළ වාචික පිළිතුරු අපේක්ෂා කරන ප්‍රශ්නයකට පිළිතුරු ලබාදෙමිනි.
මෙම ප්‍රමිතිකරණ යාන්ත්‍රණය මඟින් රූපවාහිනී නාලිකාවල විකාශනය වන ළමා වැඩසටහන් පිළිබඳව අවධනය යොමු කරන බවද අමාත්‍යවරයා ප්‍රකාශ කළේ ය.
සමහර රූපවහිනී නාලිකාවල විකාශය වන ළමා වැඩසටහන් නියමිත ප්‍රමිතියෙන් තොර බව පෙන්වා දුන් අමාත්‍යවරයා,ඵලදායී ළමා සංවර්ධන වැඩසටහන් ඉදිරිපත් කිරීමේ වැඩපිළිවෙළක් ජනමාධ්‍ය අමාත්‍යාංශය සතුව පවතින බව කීය.
ළමා වැඩසටහන් පිළිබඳව ළමා කටයුතු අමාත්‍යාංශයේ ද අඳහස් ලබාගනිමින් ළමා හා කාන්තා අයිතිවාසිකම් ආරක්ෂා වන ලෙස කටයුතු කරමින් නියාමන යාන්ත්‍රණය ඉතාම ඉක්මනින් සකස් කිරීම අවශ්‍ය වන බව අමාත්‍යවරයා ප්‍රකාශ කළේ ය.
