දුෂණ විරෝධී අන්තර්ජාතික සමුළුව අද (12) ලන්ඩන් නුවර දී ආරම්භ වන අතර සමුළුව ආරම්භක දිනයේදී ම ජනාධිපති මෛත‍්‍රීපාල සිරිසේන මැතිතුමා මෙම සමුළුව ඇමතීමට නියමිතය.
ආරම්භක දිනයේම ජනාධිපතිතුමාට මෙම සමුළුව ඇමතීමට ලැබීම ද විශේෂත්වයක් වේ.
බි‍්‍රතාන්‍ය අග‍්‍රාමාත්‍ය ඩේවිඩ් කැමරන් මහතාගේ ප‍්‍රධානත්වයෙන් රටවල් රැසක රාජ්‍ය නායකයින්ගේ සහ නියෝජිතයින්ගේ සහභාගීත්වයෙන් මෙම දුෂණ විරෝධී අන්තර්ජාතික සමුළුව පැවැත්වේ.
පසුගිය ජනවාරි මස මෝල්ටා හි පැවති පොදු රාජ්‍ය මණ්ඩලීය රාජ්‍ය නායක සමුළුවේ දී බි‍්‍රතාන්‍ය අග‍්‍රාමාත්‍ය ඩේවිඩ් කැමරන් මහතා විසින් කරන ලද ආරාධනයකට අනුව ජනාධිපතිතුමා මෙම සමුළුවට එක් වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
